Sosial şəbəkələrdə iki qadının avtomobildə hərəkətdə olarkən yüksək səslə musiqi dinləməsi, təhlükəsizlik kəmərindən istifadə etməməsi və sükan arxasında əllərini buraxaraq görüntü çəkməsi ilə bağlı video geniş müzakirələrə səbəb olub. Görüntünü sosioloq Lalə Mehralı paylaşmışdı.

Belə ki, Günel adlı xanım “Peugeot” markalı, 90-SE-262 dövlət nömrə nişanlı avtomobildə sükan arxasında məsuliyyətsiz davranışları ictimai müzakirəyə səbəb olmuşdur.

Həmin xanım müğənni Şəbnəm Tovuzlunun qızı olduğu məlum olmuşdur.

Video ictimaiyyət tərəfindən birmənalı qarşılanmayıb. İzləyicilər xüsusilə yol hərəkəti qaydalarının açıq şəkildə pozulmasını tənqid ediblər. Qeyd edək ki, hərəkətdə olan nəqliyyat vasitəsində sürücünün təhlükəsizlik kəmərini taxmaması və sükanı nəzarətsiz buraxması inzibati məsuliyyət yaradan haldır və həm sürücünün, həm də digər hərəkət iştirakçılarının həyatını ciddi risk altına atır.

Avtosfer.az olaraq sözügedən görüntünü ictimai maraq və yol hərəkəti təhlükəsizliyi baxımından əhəmiyyətli hesab etdiyimiz üçün oxuculara təqdim etmişdik.