[center][/center]

Binəqədi rayonunun Biləcəri qəsəbəsində, “Ağ Saray” şadlıq sarayının arxasında söküntü və tikinti işlərinin aparıldığı bildirilir.

Biziməsr.media-nın redaksiyasına daxil olan videogörüntülərdə ərazidə bir sıra yaşayış evlərinin satın alınaraq söküldüyü, həmin ərazidə isə genişmiqyaslı tikinti işlərinin aparıldığı görünür.

[center][/center]

Redaksiyaya daxil olan məlumatlara görə, söküntü işləri zamanı ərazidəki çoxsaylı ağacların da məhv edildiyi iddia olunur.

[center][/center]

Ərazidə aparılan tikinti ilə bağlı digər ciddi iddialar da səsləndirilir. Məlumata görə, tikinti işlərini həyata keçirən sahibkarın Binəqədi Rayon İcra Hakimiyyəti başçısının müavini Hacıbaba Babayevlə yaxın münasibətlərinin olduğu bildirilir.

[center][/center]

Həmçinin tikinti işlərinə rayon icra hakimiyyətinin başçısı Elxan Allahverdiyev tərəfindən razılıq verildiyi bildirilir. Məlumata görə, söküntü və tikinti işlərinin qanuni əsaslarının, eləcə də layihə və icazə sənədlərinin natamam olduğu deyilir.

[center][/center]

Xüsusilə yaşayış evlərinin sökülməsi, yeni tikintiyə icazələrin mövcudluğu, ərazidə ağacların kəsilib-kəsilmədiyi və yaşıllıqların məhv edilməsinə qanuni əsasların olub-olmaması ilə bağlı ictimaiyyətə açıqlama verilməsi vacibdir.

[center][/center]

“Biziməsr.media” məsələ ilə bağlı Binəqədi Rayon İcra Hakimiyyətinin, aidiyyəti şəhərsalma və ekologiya qurumlarının mövqeyini öyrənmək üçün sorğu göndərib.

Araşdırmanın nəticələrindən asılı olaraq məsələyə yenidən qayıdacağıq.

Bizimesr.media

VİDEO LİNKDƏ: [url=https://bizimesr.media/az/post/bileceride-evler-sokuldu-agaclar-kokunden-cixarildi---erazini-alan-sahibkar-kimdir---video-22925]https://bizimesr.media/az/post/bileceride-evler-sokuldu-agaclar-kokunden-cixarildi---erazini-alan-sahibkar-kimdir---video-22925[/url]