Paşinyan Dağlıq Qarabağda işğalçı ordu yerləşdiyini etiraf etdi-RƏY

Paşinyan Dağlıq Qarabağda işğalçı ordu yerləşdiyini etiraf etdi-RƏY
Bu günlərdə Ermənistanın baş naziri Nikol Paşinyan "Dağlıq Qarabağ Ermənistandır" və "Ermənistanın və Dağlıq Qarabağın təhlükəsizliyinin qarantı erməni ordusudur" deyə növbəti təxribatçı açıqlamasını edib.

Mövzu ilə bağlı Sonxeber.az-a politoloq Elxan Şahinoğlu açıqlama verib. O bildirib ki, Ermənistanın baş naziri Nikol Paşinyan ilk dəfə Qarabağ Ermənistanındır kimi təxribatçı açıqlamasını avqustun 5-də Xankəndinə gələrək etmişdi. O, faktiki olaraq etiraf edirdi ki, Qarabağı Ermənistan işğal edib. Bu günlərdə Nikol Paşinyan ikinci təxribatçı açıqlamasını edərək bildirdi ki, Ermənistan ordusu həm Ermənistanı, həm də Dağlıq Qarabağı qoruyur. O deməkdir ki, Dağlıq Qarabağda işğalçı ordu yerləşir. Bu da bizim illərdir dediyimizi, Paşinyan faktiki öz sözləri ilə təsdiq etdi. Paşinyan danışıqlarda ortaya heç bir idea qoymur, bu da, danışıqların yerində saymasına gətirib çıxarır. Dağlıq Qarabağ münaqişəsinin həllində bu ili itirilmiş il kimi saymaq olar. Düşünürəm ki, Paşinyandan və onun Xarici İşlər nazirindən heç nə gözləyə bilmərik. Son bir ildə və ümumiyyətlə Paşinyan hakimiyyətə gələndən Madrid və ya genişləndirilmiş Madrid planı haqqında da heç bir söhbət yoxdur. Demək ki, Ermənistan hakimiyyəti bu plandan da imtina edib. Danışıqlar da yerində sayır deyə bilərik. Bu da cəbhə bölgəsində vəziyyəti biraz daha gərginləşdirir.

14-12-2019, 11:19



Fikirlər