Prokuror Camal Qaşıqçının qətlində şübhəli bilinən 5 NƏFƏRİN edamını istədi

Prokuror Camal Qaşıqçının qətlində şübhəli bilinən 5 NƏFƏRİN edamını istədi

Səudiyyə Ərəbistanında Camal Qaşıqçı cinayət işini aparan prokuror qətldə ittiham olunan 11 şübhəlidən 5-nin edamını istəyib.

Realnews.Az Report-a istinadən xəbər verir ki, məlumatı Səudiyyə Ərəbistanının Baş Prokurorluğu yayıb.

Bildirilib ki, prokuror cinayətdə iştirak edən, qətl təlimatını verən şübhəlilərin edam olunmasını istəyib.

C.Qaşıqçının meyitinin hissələrə parçalanaraq Konsulluqdan çıxarıldığı da vurğulanıb. Səudiyyə Ərəbistanına dönməsi üçün səylər baş tutmadığından jurnalisti öldürüldüyü bildirilib.

Qeyd edək ki, "Vaşinqton post" qəzenin əməkdaşı Camal Qaşıqçı bu il oktyabrın 2-də Səudiyyə Ərəbistanının İstanbuldakı Baş Konsulluğunda öldürülüb. İndiyədək onun meyiti tapılmır.

C.Qaşıqçını öldürmək üçün Türkiyəyə gələn 18 nəfərdən biri qısa müddətdən sonra telefon danışığında Səudiyyə Ərəbistanının vəliəhd şahzadəsi Məhəmməd bin Salmanı nəzərdə tutaraq deyib: "Patronunuza söyləyin, adamlar işlərini bitirdi".

15-11-2018, 17:03



Fikirlər