Bakı mehmanxanalarında monitorinq aparıldı

Bakı mehmanxanalarında monitorinq aparıldı
“Bakı mehmanxanalarının I Avropa Oyunlarına hazırlıq səviyyəsi yaxşıdır”. Lent.az-ın məlumatına görə, bunu mədəniyyət və turizm naziri Əbülfəs Qarayev bugünkü mətbuat konfransında deyib. Onun sözlərinə görə, artıq Bakıdakı bütün hotellərdə monitorınqlər başa çatdırılıb.
Nazir artıq regionlarda iki, üç və dörd ulduzlu hotellərin tikilməsinə marağın olduğunu da bildirib: “Sahibkarları konkret olaraq, 2, 3, yaxud 4 ulduzlu hotellər tikməyə məcbur edə bilmərik. Biz yalnız öz tövsiyələrimizi veririk”.
Nazir bildirib ki, Azərbaycanda bir necə turizm zonasının elan edilməsi nəzərdə tutulur: " Həmin zonalar, Nabran, Xızı, Qəbələ, Xaçmaz, Lənkəran və qərb regionunda yaradılır. Orada torpaqların sərhədləri müəyyən ediləcək. Ondan sonra biz tövsiyə edə bilərik ki, burada necə ulduzlu hotellər tikilsin”.

2-12-2014, 23:40



Fikirlər