Koşəri resepti

Koşəri resepti

Tərkibi:
1 stəkan noxud,
1 stəkan yaşıl mərcimək,
1 stəkan makaron,
1 stəkan düyü,
3 dənə pomidor,
5 diş sarımsak ,
2 dənə quru soğan
Duz,
İstiot,
5 şorba qaşığı zeytun yağı,
4 şorba qaşığı kərə yağı,

Hazırlanması:
Noxudları əvvəlcə yuyun. Bir neçə saat islağa qoyun. Sonra islatdığınız suyu atın və yenidən su əlavə edərək bişirin ki ,yumşaq olsun.Mərciməkləri və makaronu yumşalması üçün ayrı –ayrılıqda bişirin.

Tavaya 3 yemək qaşığı zeytun yağı tökün və yağı qızdırın. Yağ qızdıqdan sonra düyünü əlavə edib qovurun.
Düyünü qovurduqdan sonra qazana 1,5 stəkan isti su tökün və plov bişirmək üçün suyu qaynadın.Qaynayan suya düyünü tökərək plov bişirin.
Soğanın qabığını soyun və suda yuyun.Soyulmuş soğanı iri halğa halında doğrayın.
Bir tavaya 2 xörək qaşığı kərə yağı töküb əridin.Ərimiş kərə yağına doğradığınız soğanları əlavə edərək qızarana qədər qovurun.
Pomidorları yuyun və qabığını soyun.
Sarımsaqların da qabığını soyub doğrayın.
Tavaya 2 yemək qaşığı zeytun yağı əlavə edərək qızdırın. Sonra doğradığınız pomidor və sarımsağı zeytun yağında qovurun. Qovrulmuş pomidorun üzərinə duz və istiot əlavə edin.
Bişirmiş olduğunuz bütün tərəvəzləri şüşə bir qaba yığın . Ən altdan makaronu, üzərinə mərciməyi,onun üzərinə düyünü, ən üstə isə noxudları yerləşdirin.
Qızartmış olduğunuz soğanları da üzərinə əlavə edin.
Hazırlamış olduğunuz pomidor sosunu da üzərinə gəzdirin.Ayrı bir tavada qalan 2 şorba qaşığı kərə yağını da möhkəm qızdiraraq üzrinə tökün.Artıq yeməyimiz hazırdır .İsti –isti servis etmək olar.

Nuş olsun!

30-07-2015, 11:50



Fikirlər